ஆயு ஷ் மான் பாரத் ஹெல்த் அட்டையால் என்ன பயன்?

என் ஓய்வுகால தேவைக்காக, மாதம் 4,000 ரூபாய் மியூச்சுவல் பண்டில் முதலீடு செய்து வருகிறேன். என் வயது 28. இப்போது 4,000, இனி ஒவ்வொரு ஆண்டும் 10 சதவீதம் அதிகரிக்க திட்டமிட்டுள்ளேன். இதனால், 55 அல்லது 60 வயதில் என் ஓய்வுகால தேவைகள் பூர்த்தி ஆகுமா? பி.விஜயகுமார், கோவை மியூச்சுவல் பண்டில் சராசரியாக ஆண்டொன்றுககு 12 சதவீத வருவாய் கிடைக்கிறது என்று வைத்துக் கொள்வோம். 55 வயதில் ஓய்வு பெறுவதாக இருந்தால், இன்னும் 27 ஆண்டுகள் சர்வீஸ் இருக்கிறது. கூடவே, 10 சதவீதம் 'ஸ்டெப் அப் எஸ்.ஐ.பி.,' செய்வதாகவும் சொல்கிறீர்கள். அப்படியானால், நீங்கள் இந்த 27 ஆண்டுகளில் கட்டக்கூடிய தொகை 65 லட்சம் ரூபாய். அன்று உங்களுக்கு மொத்தமாக கிடைக்கக்கூடிய தொகை 2.85 கோடி ரூபாய். இதே 60 வயதில் ஓய்வு பெறுவதாக இருந்தால், 32 ஆண்டு சர்வீசின் முடிவில், நீங்கள் மொத்தம் செலுத்தக்கூடிய தொகை 1.05 கோடி ரூபாயாகவும், அது ஈட்டி தரும் மொத்த வருவாய் 5.38 கோடி ரூபாயாகவும் இருக்கும். ஆனால், இந்த எண்களை பார்த்து பிரமிக்க வேண்டாம். ஆண்டொன்றுக்கு 6 சதவீத பணவீக்கத்தை கணக்கில் கொண்டால், இன்றைக்கு உங்கள் மாதச் செலவு 25,000 ரூபாயாக இருக்குமானால், 60 வயதில் நீங்கள் ஓய்வு பெறும்போது, இதே வாழ்க்கை முறையை தொடர 1.5 லட்சம் ரூபாய் தேவைப்படும். கையில் 5 கோடி ரூபாய் இருந்து, அதை வங்கியில் 6 சதவீத வட்டியில் போட்டு வைத்தால், மாதம் 2.5 லட்சம் ரூபாய் வரை கிடைக்கும். நீங்கள் இப்போது செய்து வரும் முதலீட்டை அப்படியே தொடருங்கள், விட்டுவிடாதீர்கள். வயது உங்களுக்கு சாதகமாக இருப்பதால், நீங்கள் குறைந்த முதலீடு செய்தே, ஓய்வு காலத்தில் கோடீஸ்வரராக ஆக முடியும். தபால் நிலையத்தில் இன்சூரன்ஸ் பற்றி சொன்னது புரியவில்லை. இப்போது வரை எந்த பாலிசியும் போடவில்லை. எனக்கு வயது 32. வேலை செய்யும் இடத்தில் இ.எஸ்.ஐ., உள்ளது. இதுவே போதுமா? கே.வனிதா, வாட்ஸாப் போதாது. அஞ்சலகம் மட்டுமல்ல; எல்லா காப்பீட்டு நிறுவனத்திலும் ஓர் அட்டவணை வைத்திருப்பர். பணம் செலுத்த வேண்டிய ஆண்டுகள், செலுத்தக்கூடிய தொகை, இறுதியில் கிடைக்கும் பலன் என்பதை அந்த அட்டவணை சொல்லும். உங்களால் ஆண்டுதோறும் எவ்வளவு ரூபாய் பிரீமியம் தொகை செலுத்த முடியும் என்பதை கணக்கிட்டு, அதற்கேற்ப பாலிசி எடுத்துக் கொள்ளுங்கள். அது நிச்சயம் பாதுகாப்பை தரும். பாதுகாப்பு என்ற கோணத்தில் பார்க்கும்போது, காப்பீட்டுடன் முதலீடும் அவசியம். உங்களால் என்ன சேமிக்க முடியுமோ அதை சேமியுங்கள். அதை எங்கே முதலீடு செய்து, ஓரளவுக்கு கூடுதல் வருவாய் பெறுவது என்பதை தெரிந்துகொள்ள, நிதி முதலீடு பற்றி கொஞ்சம் ஆழமாக வாசியுங்கள். இந்த விஷயத்தில், தினமலர் நாளிதழ் 'லாபம்' பகுதி உங்களுக்கு உதவும். கடந்த நவம்பர் 4ல் வெளியான ஆயிரம் சந்தேகங்கள் பகுதியில் தீபக், கரூர் என்ற வாசகரின் மியூச்சுவல் பண்டு சம்பந்தமான கேள்விக்கு தாங்கள் வழங்கிய பதில், என் போன்ற வயதுடையவர்களுக்கும் ஏற்றதா? நான் 66 வயதை கடந்த மூத்த குடிமகன். கிருஷ்ணசாமி பிள்ளை, மின்னஞ்சல் ஏற்றது தான். அவர் வீடு வாங்குவதற்கு முன்னதாக, கையில் போதிய பணத்தை திரட்டிக் கொள்வதற்கு ஏற்ப, 10 ஆண்டுகள் பல்வேறு மியூச்சுவல் பண்டுகள் வாயிலாக சேமிப்பதை பற்றி கேட்டிருந்தார். நீங்களும் அதே வழிமுறையை பின்பற்றலாம். 76 எல்லாம் ஒரு வயதா? முறையாக சேமித்து வந்தால், கையில் போதிய பணம் சேரும். அதை கொண்டு நீங்களும் வீடு வாங்கலாம். நான் ஓய்வுபெற்ற தமிழக அரசு ஊழியர். நான் அனுப்பியுள்ள ஆயுஷ்மான் பாரத் ஹெல்த் அட்டை எதற்காக வழங்கப்பட்டுள்ளது? ஏ.சுந்தரராமன், திருச்சி இது அடிப்படையில் உங்கள் மருத்துவ குறிப்புகளை டிஜிட்டல் முறையில் ஒருங்கிணைக்கும் ஓர் அடையாள அட்டை. ஒவ்வொரு முறை நீங்கள் மருத்துவமனைக்கு செல்லும் போதும் இந்த எண்ணை குறிப்பிட்டால் போதும். இதுவரையான உங்களுடைய மருத்துவ ஆவணங்கள் அனைத்தும் டிஜிட்டல் முறையில் மருத்துவர்களுக்கு கிடைக்கும். அதைக் கொண்டு உங்கள் உடல்நல வரலாற்றை அவர் புரிந்து கொண்டு, மேல் சிகிச்சை வழங்குவார். பழைய மருத்துவ சீட்டுகளையோ, சிகிச்சை குறிப்புகளையோ கையில் சுமந்து செல்வதற்கு பதிலாக உருவாக்கப்பட்டுள்ள மிகச் சிறந்த முறை இது. மியூச்சுவல் பண்டு எஸ்.ஐ.பி., - இ.பி.எப்., - என்.பி.எஸ்., ஆகிய மூன்றிலுமே நான் பணம் சேமித்து வருகிறேன். எதில் எவ்வளவு சேமிப்பது என்று குழப்பமாக இருக்கிறது. இரா.பாக்கியநாதன், வாட்ஸாப் மாத சம்பளதாரர்களுக்கு, தொழிலாளர் வருங்கால வைப்பு நிதி என்பது முதுகு தண்டுவடம் போன்றது. அது கண் மறைவாக இருக்கும். ஆனால், உங்கள் நிதி நிலைக்கு உறுதியை தரும். என்.பி.எஸ்., என்பது ஓய்வு காலத்துக்கான சேமிப்பு. இவை இரண்டிலும் சேமிக்கப்படும் தொகையை தொட முடியாது அல்லது தொடக்கூடாது. மியூச்சுவல் பண்டு எஸ்.ஐ.பி., என்பது தான் பயன்படுத்தக்கூடிய சேமிப்பு. வீடு, வாகனம், பிள்ளைகளின் கல்வி உள்ளிட்ட பல்வேறு தேவைகளுக்கு இந்த சேமிப்பு உதவும். பிடிப்புகள் எல்லாம் போக, நீங்கள் கையில் வாங்கும் சம்பளத்தில், 25 முதல் 30 சதவீத தொகையை மியூச்சுவல் பண்டு எஸ்.ஐ.பி.,களில் போட்டு வாருங்கள். இ.பி.எப்., உங்கள் சம்பளத்துக்கு ஏற்ப பிடித்தம் செய்யப்படும். வாலண்டரி பி.எப்., செலுத்துவதற்கு உங்கள் நிறுவனம் வாய்ப்பு அளித்தால், அதை பயன்படுத்தி கொள்ளுங்கள். என்.பி.எஸ்.,சில், ஆண்டு வருவாயில் 10 முதல் 15 சதவீதம் தொகையை சேமித்து வாருங்கள். உங்களுடைய அனைத்து தேவைகளுக்கும் இத்தகைய திட்டமிடல் உதவக்கூடும்.