மொத்த விலை பணவீக்கம்; பிப்ரவரியில் சற்றே உயர்வு

புதுடில்லி : நாட்டின் மொத்த விலை பணவீக்கம், கடந்த பிப்ரவரி மாதத்தில் சற்றே அதிகரித்து, 2.38 சதவீதமாக உயர்ந்துள்ளதாக, மத்திய வர்த்தகத்துறை அமைச்சகம் தெரிவித்துள்ளது. இது, கடந்த ஜனவரி மாதத்தில் 2.31 சதவீதமாகவும்; கடந்தாண்டு பிப்ரவரியில் 0.20 சதவீதமாகவும் இருந்தது.சமையல் எண்ணெய், குளிர்பானங்கள் உள்ளிட்ட உணவு பொருட்களின் விலை அதிகரித்ததே, கடந்த மாதம் பணவீக்கம் அதிகரிக்க முக்கிய காரணமாக அமைந்தது. பணவீக்கம், தயாரிக்கப்பட்ட உணவுப் பொருட்கள் பிரிவில் 11.06 சதவீதமாகவும்; சமையல் எண்ணெய் பிரிவில் 33.59 சதவீதமாகவும்; குளிர்பானங்களில் 1.66 சதவீதமாகவும் இருந்தது. ஜவுளி பொருட்களின் விலையும் கடந்த மாதம் சற்றே அதிகரித்தது. பழங்கள் மற்றும் வெங்காயத்தின் விலை தொடர்ந்து அதிகரித்தே காணப்பட்டது. உருளைக்கிழங்கு, பால் ஆகியவற்றில் பணவீக்கம் குறைந்துள்ளது. எரிசக்தி மற்றும் மின்சார பிரிவில் தொடர்ந்து பணவாட்டமே நிலவுகிறது.

மாதங்கள் பணவீக்கம் (%)

2024பிப்ரவரி 0.20மார்ச் 0.26ஏப்ரல் 1.19மே 2.74ஜூன் 3.43ஜூலை 2.10ஆகஸ்ட் 1.25செப்டம்பர் 1.91அக்டோபர் 2.75நவம்பர் 1.89டிசம்பர் 2.572025ஜனவரி 2.31பிப்ரவரி 2.38