டெக்னிக்கல் அனாலிசிஸ் : நிப்டி பெரிய மாற்றமின்றி செயல்படுவதற்கு வாய்ப்பு

நேற்று 153 புள்ளிகள் இறக்கத்துடன் ஆரம்பித்த நிப்டி, நாளின் இறுதியில் 100 புள்ளிகள் ஏற்றத்துடன் நிறைவடைந்தது. 18 பரந்த சந்தை குறியீடுகளும் ஏற்றத்துடன் நிறைவடைந்தன.

இவற்றில் 'நிப்டி மிட்கேப் 50' குறியீடு குறைந்தபட்சமாக 0.05 சதவீதம் அதிகரித்தும், 'நிப்டி மைக்ரோகேப் 250' குறியீடு அதிகபட்சமாக 1.09 சதவீதம் உயர்ந்தும் முடிந்தன. 21 துறை சார்ந்த குறியீடுகளில் 11 குறியீடுகள் ஏற்றத்துடனும்; 10 குறியீடுகள் இறக்கத்துடனும் நிறைவடைந்தன. இவற்றில் நிப்டி ஐ.டி., குறியீடு அதிகபட்சமாக 4.23 சதவீத ஏற்றத்துடனும், 'நிப்டி பைனான்சியல் சர்வீசஸ் எக்ஸ் - பேங்க்' குறியீடு அதிகபட்சமாக 0.92 சதவீத இறக்கத்துடனும் நிறைவடைந்தன. வர்த்தகம் நடந்த 3,426 நிறுவனங்களின் பங்குகளில் 2,032 உயர்வுடனும்; 1,285 சரிவுடனும்; 109 மாற்றம் ஏதும் இல்லாமலும் நிறைவடைந்திருந்தன. குறுகியகால சராசரிகளுக்கு கீழே நிப்டி நிறைவடைந்த போதும் வர்த்தக நாளில் நல்லதொரு மீட்சிதனை கண்டிருப்பதால் நிப்டி ஒரு நிலைத்தன்மையை கண்டிருக்கின்றது என்று கொள்ளலாம். நிப்டி டெக்னிக்கலாக 23,400 மற்றும் 23,200ல் ஸ்திரமானதொரு சப்போர்ட்டையும், 23,660 மற்றும் 23,740ல் வலுவான ரெசிஸ்டென்ஸையும் தற்போது கொண்டுள்ளது. Galleryமொமென்டம் இண்டிகேட்டர்கள் குழப்பமான சூழலையே காட்டுவதாய் இருக்கின்றன. பெரிய தாக்கத்தை உருவாக்கக்கூடிய அளவிலான செய்திகள் இல்லாவிட்டால் பெரிய மாற்றம் ஏதும் இல்லாமலோ அல்லது சிறிய ஏற்றத்துடனோ நிப்டி செயல்படுவதற்கான வாய்ப்பே தற்போதைக்கு தெரிகிறது.