ரேபரேலியில் விபத்து 4 பேர் உயிரிழப்பு

ரேபரேலி:உத்தர பிரதேசத்தில் நேற்று ஏற்பட்ட சாலை விபத்தில் 4 பேர் உயிரிழந்தனர். காயம் அடைந்த 4 பேர் மருத்துவமனையில் சேர்க்கப்பட்டு உள்ளனர்.உ.பி., மாநிலம் அமேதி அருகே பதர்கஞ்சில் நடந்த திருமண நிகழ்ச்சியில் பங்கேற்ற 8 பேர், நேற்று முன் தினம் நள்ளிரவு, ஸ்கார்பியோ காரில் ரேபரேலிக்கு புறப்பட்டனர்.நேற்று அதிகாலை 3:00 மணிக்கு மாலின் பூர்வா கிராமம் அருகே வரும்போது, டிரைவர் கட்டுப்பாட்டை இழந்த கார், சாலையோரத்தில் இருந்த ராட்சத குழாயில் மோதியது.அதைத் தொடர்ந்து மரத்தில் மோதி கார் நசுங்கியது.காரில் இருந்த பங்கஜ் பால்,30, ராகவேந்திர யாதவ்,50, தீபக் பால்,28, அவதேஷ் பால்,45 ஆகிய 4 பேரும் அதே இடத்தில் உயிரிழந்தனர். காயமடைந்த நிலையில் மீட்கப்பட்ட 4 பேருக்கு தீவிர சிகிச்சை அளிக்கப்படுகிறது.