சந்திரபாபு நாயுடு குடும்பத்திற்கு ரூ.931.83 கோடி மதிப்பு சொத்து

புதுடில்லி: தெலுங்குதேச கட்சி தலைவரும், ஆந்திர மாநில முன்னாள் முதல்வருமான சந்திரபாபு நாயுடு குடும்பத்திற்கு ரூ.931.83 கோடி மதிப்பு சொத்து உள்ளது.ஆந்திராவில் மே 13ம் தேதி சட்டசபை தேர்தல் நடைபெற உள்ளது. சட்டசபை தேர்தலில், சித்தூர் தொகுதியில், சந்திரபாபு நாயுடு போட்டியிட உள்ளார். அவர் சார்பில் அவரது மனைவி புவனேஸ்வரி வேட்பு மனு தாக்கல் செய்தார். சந்திரபாவுக்கு எதிராக ஆளும் ஒய்.எஸ்.ஆர் காங்கிரஸ் கட்சியின் வேட்பாளர் கே.ஆர்.ஜெ. பரத் போட்டியிடுகிறார்.வேட்பு மனுவோடு இணைக்கப்பட்ட சொத்து விவர பட்டியலில், சந்திரபாபு நாயுடுவின் குடும்பத்திற்கு ரூ.931.83 கோடி சொத்துக்கள் உள்ளது என தெரிவிக்கப்பட்டுள்ளது. சந்திரபாபு நாயுடு மனைவி புவனேஸ்வரியின் பெயரில் ரூ.895.47 கோடி மதிப்பிலான சொத்துக்கள் உள்ளது. சந்திரபாபு நாயுடுவின் பெயரில் ரூ.36.35 கோடி மதிப்புள்ள சொத்துக்கள் உள்ளது. சந்திரபாபு நாயுடுவின் குடும்ப சொத்து மதிப்பு 2019ம் ஆண்டு இருந்ததை விட 41 சதவீதம் அதிகரித்துள்ளது.