டில்லியில் மீண்டும் நில நடுக்கம்; மக்கள் அச்சம்

புதுடில்லி: ஹரியானாவின் ஜஜ்ஜார் மாவட்டத்தை மையமாக வைத்து இன்று( ஜூலை 07) மாலை மீண்டும் நிலநடுக்கம் ஏற்பட்டது. இதன் தாக்கம் டில்லியிலும் உணரப்பட்டதால் மக்கள் பீதி அடைந்தனர்.ஹரியானாவின் ஜஜ்ஜார் மாவட்டத்தை மையமாக வைத்து நேற்று காலை 9:04 மணி அளவில் ரிக்டர் 4.4 அளவிலும், 10 கி.மீ., ஆழத்திலும் மிதமான நிலநடுக்கம் ஏற்பட்டது. இந்த பகுதி, டில்லியின் மேற்கில் இருந்து 51 கி.மீ., தொலைவில் உள்ளது.ஜஜ்ஜாரில் ஏற்பட்ட நிலநடுக்கம், ஹரியானாவின் பிற மாவட்டங்களான ரோஹ்தக், குருகிராம், பானிபட், ஹிசாரிலும் உணரப்பட்டது.https://static.vidgyor.com/player/vod/html/indexv2.html?videoId=wny5cuxo&cmsAccountId=6253e2117f4d5c0009c78ed4&masterProfileId=64f573f4fbdd700008119b10&pip=1&autoplay=0இந்நிலையில், ஜஜ்ஜார் மாவட்டத்தை மையமாக வைத்து இன்று மீண்டும் லேசான நிலநடுக்கம் ஏற்பட்டது. இது ரிக்டர் அளவில் 3.7 ஆக பதிவானது. இதன் அதிர்வு டில்லி மற்றும் அதன் சுற்றுவட்டார பகுதிகளில் உணரப்பட்டது. இதனால், மக்கள் அச்சமடைந்த மக்கள் வீடுகளை விட்டு வெளியேறினர்.