உள்ளூர் செய்திகள்

/ செய்திகள் / இந்தியா / காஷ்மீர் சட்டசபை தேர்தல்: வெற்றி தோல்வியடைந்த வி.ஐ.பி.,கள்

காஷ்மீர் சட்டசபை தேர்தல்: வெற்றி தோல்வியடைந்த வி.ஐ.பி.,கள்

வாசிக்க நேரம் இல்லையா? செய்தியைக் கேளுங்கள்

Your browser doesn’t support HTML5 audio

ஸ்ரீநகர்: ஜம்மு காஷ்மீர் சட்டசபை தேர்தலில் போட்டியிட்ட முக்கிய வேட்பாளர்களில் யாருக்கு வெற்றி கிடைத்துள்ளது என்பது பற்றி விபரங்கள் வருமாறு:காஷ்மீரில், மொத்தமுள்ள 90 தொகுதிகளுக்கு 3 கட்டங்களாக நடந்த தேர்தலில் பதிவான ஓட்டுக்கள் இன்று எண்ணப்பட்டன. இந்த தேர்தலில் களத்தில் இறங்கிய முக்கிய வேட்பாளர்களில் வெற்றி பெற்றது யார்? என்பது குறித்து பார்க்கலாம்.

தாரிக் ஹமீத் (காங்கிரஸ்)

மத்திய ஷால்தெங் தொகுதியில் காங்கிரஸ் சார்பில்,போட்டியிட்ட முன்னாள் லோக்சபா எம்.பி.,யும், காங்கிரஸ் மூத்த தலைவருமான தாரிக் ஹமீத் கர்ரா 14,395 ஓட்டு வித்தியாசத்தில் வெற்றி பெற்றார்.

பா.ஜ., தலைவர்கள்

ஜம்மு காஷ்மீர் பா.ஜ., தலைவரான ரவீந்தர் ரெய்னா, நவுசேரா தொகுதியில் 7,819 ஓட்டு வித்தியாசத்தில் தோல்வி அடைந்தார்.

தேவேந்திர சிங்

நக்ரோடா தொகுதியில் போட்டியிட்ட காஷ்மீர், முக்கிய பா.ஜ., தலைவரான தேவேந்திர சிங் ராணா 30472 ஓட்டு வித்தியாசத்தில் வெற்றி பெற்றார்.

உமர் அப்துல்லா

முன்னாள் முதல்வரான இவர் பரூக் அப்துல்லாவின் மகன். இவர் தேசிய மாநாட்டு கட்சியின் தலைவராக உள்ளார். இவர் கந்தர்பால் மற்றும் புட்காம் என 2 தொகுதிகளில் போட்டியிட்டார்.அதில், கந்தர்பால் தொகுதியில் 10,574 ஓட்டு வித்தியாசத்திலும்புட்காம் தொகுதியில் 18, 485 ஓட்டு வித்தியாசத்திலும் வெற்றி பெற்றார்.

மெகபூபா மகள்

பிஜ்பெஹாரா சட்டசபை தொகுதியில், களமிறங்கிய மக்கள் ஜனநாயக கட்சி தலைவரான மெகபூபா முப்தியின் மகள் இல்திஜா முப்தி 9,770 ஓட்டுகள் வித்தியாசத்தில் தோல்வியடைந்தார்.


தினமலர் சேனல்களுக்கு SUBSCRIBE செய்யுங்கள் !

வாசகர்கள் கருத்துகள் ( 2 )

N Sasikumar Yadhav
அக் 08, 2024 21:03

வளர்ச்சியெல்லாம் தேவையில்லை . பிச்சையெடுத்தாலும் மதத்தை வளர்க்க குண்டு வைக்க தயங்காத மூர் மக்கள் இருக்கும்வரை புள்ளிராஜா இன்டி கூட்டணியை யாராலும் அசைக்க முடியாது


P. VENKATESH RAJA
அக் 08, 2024 13:39

உமர் அப்துல்லாவுக்கு வெற்றி வாய்ப்பு கிட்டும் என்று முன்பே தெரியும்.


அதிகம் விமர்ச்சிக்கப்பட்டவை