எதையும் சமாளிப்போம்!
உலகில் எந்தவொரு நெருக்கடி வந்தாலும், அதை திறம்பட சமாளிக்கும் வலிமை நம் நாட்டுக்கு உள்ளது. உலகிற்கே முன்னுதாரணமாக நம் நாடு விளங்குகிறது. நம் பொருளாதாரத்தை மேலும் வலுப்படுத்த உள்ளூர் தயாரிப்புகளையே தொழிலதிபர்கள் விற் பனை செய்ய வேண்டும் . இதை, தவறாமல் கடைப்பிடிக்க வேண்டும். பியுஷ் கோயல் மத்திய வர்த்தக அமைச்சர், பா.ஜ.,
உரிமைகளை நசுக்குகிறது!
அந்தமான் - நிக்கோபார் தீவுகளில் மேற்கொள்ளப்பட உள்ள, 'கிரேட் நிக்கோபார் உட்கட்டமைப்பு திட்டம்' பழங்குடியினரின் அடிப்படை உரிமைகளை நசுக்குகிறது. இத்திட்டம், அனைத்து சட்ட மற்றும் ஆலோசனை செயல்முறைகளையும் கேலி செய்வதோடு மட்டுமின்றி, சுற்றுச்சூழல் பேரழிவுக்கு காரணமாக இருக்கிறது. சோனியா காங்., - பார்லி., குழு தலைவர்
வறுமையின் மையம்!
பீஹாரை பல ஆண்டுகளாக ஆட்சி செய்யும் ஐக்கிய ஜனதா தளம் - பா.ஜ., கூட்டணி, மாநிலத்தை வேலையின்மை, வறுமையின் மையமாக மாற்றி உள்ளது. இதை நான் சொல்லவில்லை. மத்திய அரசின், 'நிடி ஆயோக்' அமைப்பு கூறுகிறது. பீஹாரின் தனிநபர் வருமானம், ஆப்ரிக்க நாடுகளான உகாண்டா, ருவாண்டாவை விடக் குறைவு. தேஜஸ்வி யாதவ் தலைவர், ராஷ்ட்ரீய ஜனதா தளம்