அரசு பள்ளிக்கு கூடுதல் வகுப்பறை கட்டடம்

திருப்போரூர்: திருப்போரூர் ஒன்றியம், கேளம்பாக்கம் ஊராட்சி ஒன்றிய தொடக்கப்பள்ளியில், ஒன்று முதல் ஐந்தாம் வகுப்பு வரை, 400க்கும் மேற்பட்ட மாணவ, மாணவியர் படிக்கின்றனர்.இப்பள்ளியில், போதிய வகுப்பறை வசதி இல்லாமல் இருந்தது. எனவே, கூடுதல் வகுப்பறை கட்டடம் கட்ட வேண்டும் என, கோரிக்கை எழுந்தது. இதையடுத்து, இரண்டு தளங்களுடன், ஆறு வகுப்பறைகள் கொண்ட கட்டடம் கட்டுவதற்காக, 1 கோடி ரூபாய் நிதி ஒதுக்கீடு செய்யப்பட்டது. அந்த நிதியில், கூடுதல் வகுப்பறை கட்டடம் கட்டுமானப் பணி துவக்கப்பட்டு, பணிகள் தீவிரமாக நடந்து வருகின்றன.