புதுடில்லி: ஸ்விக்கி, சொமாட்டோ ஆகிய ஆன்லைன் உணவு டெலிவரி நிறுவனங்கள், உணவக விற்பனை தகவல்களை தங்கள் லாபத்துக்கு பயன்படுத்துவதாக, இந்திய உணவக கூட்டமைப்புகள் குற்றம்சாட்டிஉள்ளன.இதுதொடர்பாக, மத்திய வர்த்தகத்துறை செயலர் மற்றும் அமைச்சரை சந்திக்க திட்டமிட்டு வருவதாகவும்; தேவைப்பட்டால் இந்திய போட்டி ஆணையத்தை அணுக உள்ளதாகவும் தெரிவித்துள்ளன.விரைவான டெலிவரிசொமாட்டோ, தனது பிளிங்கிட் நிறுவனத்தின் வாயிலாக 'பிஸ்ட்ரோ' என்ற வணிகத்தையும்; ஸ்விக்கி, 'ஸ்னாக்' என்ற வணிகத்தையும் சமீபத்தில் அறிமுகப்படுத்திஉள்ளன. இவற்றில் குறிப்பிட்ட சில உணவுகள் மற்றும் ஸ்னாக்ஸ்களை 10 முதல் 15 நிமிடங்களுக்குள் விரைவாக டெலிவரி செய்கின்றன.இந்நிலையில், உணவு டெலிவரி வணிகத்தில் தங்களது அதிகாரத்தை பயன்படுத்தி, உணவகங்களில் அதிகம் ஆர்டர் செய்யப்படும் உணவுகள் குறித்த தகவல்களைக் கொண்டு, இந்த வணிகங்களை துவங்கி வருவதாக கூட்டமைப்பினர் புகார் தெரிவித்துள்ளனர்.குயிக் காமர்ஸ் வணிகத்தில் ஈடுபட்டு வரும் இந்நிறுவனங்கள், அதற்கான சந்தையாக நடுநிலையோடு செயல்பட வேண்டுமே தவிர, தங்களது தனிப்பட்ட பிராண்டை உருவாக்கி உணவகங்களுக்கு போட்டியாக செயல்பட முடியாது என்று தெரிவிக்கின்றனர்.இதனால் ஒட்டுமொத்த உணவக தொழிலுமே பாதிக்கப்படக் கூடும் என்பதால், இதனை அனுமதிக்க முடியாது என்றும் அவர்கள் தெரிவித்தனர்.மறுப்புஇதனை தடுக்கும் நோக்கில், மின்னணு வர்த்தக விதிகளை உடனடியாக அமல்படுத்த கோரி, விரைவில் மத்திய அரசு அதிகாரிகளை சந்திக்க இருப்பதாக கூட்டமைப்பினர் தெரிவித்துஉள்ளனர்.தீர்வு கிடைக்காவிட்டால், இந்திய போட்டி ஆணையத்தை அணுக இருப்பதாகவும் தெரிவித்துள்ளனர்.இந்நிலையில், பிஸ்ட்ரோ ஒரு தனிப்பட்ட வணிகம் என்றும்; அதன் வடிவமைப்பில் உணவகங்களின் தரவுகள் பயன்படுத்தப்படவில்லை என்றும் பிளிங்கிட் நிறுவனம் விளக்கம்அளித்துள்ளது.
இன்ஃபார்மேஷன் ஈஸ் கிங். அடுத்தவனை உட்டு உங்களுக்கு பொருள் வாங்கச் சொன்னால் அவன் கமுஷன் அடிக்காமல் உங்களுக்கு சேவையா செய்வான்? இவிங்களுக்கு பொருளும் விக்கணும். தகவலும் வெளியே போகக்கூடாது.
இந்தியாவில் இணைய தகவல்கள்..... கூட்டங்களுக்கு மட்டும் கொடுக்கப்படுகிறது.
25-Dec-2024