காய்கறி கடை உரிமையாளர் வீட்டில் 10 சவரன் நகை மாயம்

பாகூர் :கிருமாம்பாக்கம் அடுத்த மதிக்கிருஷ்ணாபுரம் ஸ்ரீராம் நகரை சேர்ந்தவர் புவனேஸ்வரி, 42; காய்கறி கடை நடத்தி வருகிறார். இவரது கணவர் சண்முகம் கடந்த மூன்று மாதங்களுக்கு முன், இறந்து விட்டார். தற்போது, புவனேஷ்வரி, தனது மாமியார் மற்றும் இரண்டு பிள்ளைகளுடன் வசித்து வருகிறார். கடந்த மாதம் 16ம் தேதி காலை 10:00 மணி அளவில் புவனேஸ்வரி காய்கறி கடைக்கு சென்று விட்டார். அன்று மாலை 6:00 மணி அளவில் வீட்டிற்கு வந்து பார்த்தபோது, பெட்ரூமில் இருந்த பீரோ திறந்து கிடந்தது. பீரோவை பார்த்தபோது, அதில் இருந்த 10 சவரன் நகைகள் மாயமாகி இருந்தன. புவனேஸ்வரி அளித்த புகாரின் பேரில், கிருமாம்பாக்கம் போலீசார் வழக்குப் பதிந்து விசாரித்து வருகின்றனர்.