டென்மார்க் பாட்மின்டன்: காலிறுதியில் சிந்து
ஓடென்ஸ்: டென்மார்க் ஓபன் பாட்மின்டன் காலிறுதிக்கு இந்தியாவின் சிந்து முன்னேறினார்.டென்மார்க்கில், 'சூப்பர் 750' அந்தஸ்து பெற்ற டென்மார்க் ஓபன் பாட்மின்டன் தொடர் நடக்கிறது. இதன் பெண்கள் ஒற்றையர் பிரிவு 2வது சுற்றில் இந்தியாவின் சிந்து, சீனாவின் யூ ஹான் மோதினர். முதல் செட்டை 18-21 என இழந்த சிந்து, பின் எழுச்சி கண்டு இரண்டாவது செட்டை 21-12 எனக் கைப்பற்றி பதிலடி கொடுத்தார். தொடர்ந்து அசத்திய இவர், வெற்றியாளரை நிர்ணயிக்கும் மூன்றாவது செட்டை 21-16 என தன்வசப்படுத்தினார்.ஒரு மணி நேரம், 3 நிமிடம் நீடித்த போட்டியில் அபாரமாக ஆடிய சிந்து 18-21, 21-12, 21-16 என்ற கணக்கில் வெற்றி பெற்று காலிறுதிக்குள் நுழைந்தார்.