அபிஷேக் சர்மா நம்பர்-2: ஐ.சி.சி., டி-20 தரவரிசையில்

துபாய்: ஐ.சி.சி., 'டி-20' பேட்டருக்கான தரவரிசையில் இந்தியாவின் அபிஷேக் சர்மா 2வது இடத்துக்கு முன்னேறினார்.சர்வதேச 'டி-20' போட்டியில் சிறந்து விளங்கும் வீரர்களுக்கான தரவரிசை பட்டியலை சர்வதேச கிரிக்கெட் கவுன்சில் (ஐ.சி.சி.,) துபாயில் வெளியிட்டது. பேட்டர்களுக்கான தரவரிசையில் இந்திய துவக்க வீரர் அபிஷேக் சர்மா, 829 புள்ளிகளுடன் 40வது இடத்தில் இருந்து முதன்முறையாக 'நம்பர்-2' இடத்துக்கு முன்னேறினார். சமீபத்தில் மும்பையில் நடந்த இங்கிலாந்துக்கு எதிரான 5வது 'டி-20' போட்டியில் 54 பந்தில் சதம் (135 ரன், 13 சிக்சர்) விளாசிய இவர், 'டி-20' போட்டியில் ஒரு இன்னிங்சில் அதிக ரன் குவித்த இந்திய வீரரானார்.ஆஸ்திரேலியாவின் டிராவிஸ் ஹெட் (855 புள்ளி) முதலிடத்தை தக்கவைத்துக் கொண்டார். இந்திய வீரர் திலக் வர்மா (803) 3வது கேப்டன் சூர்யகுமார் யாதவ் (738), 5வது இடத்துக்கு தள்ளப்பட்டனர்.வருண் 'நம்பர்-3': பவுலர்களுக்கான தரவரிசையில் இந்திய சுழற்பந்துவீச்சாளர் வருண் சக்கரவர்த்தி, தலா 705 புள்ளிகளுடன் 2வது இடத்தை இங்கிலாந்தின் அடில் ரஷித்துடன் பகிர்ந்து கொண்டார். இங்கிலாந்துக்கு எதிராக அதிகபட்சமாக 14 விக்கெட் சாய்த்த வருண், தொடர் நாயகன் விருதை தட்டிச் சென்றார். வெஸ்ட் இண்டீசின் அகேல் ஹோசின் (707 புள்ளி), மீண்டும் முதலிடத்துக்கு முன்னேறினார்.'ஆல்-ரவுண்டர்' தரவரிசையில் இந்தியாவின் ஹர்திக் பாண்ட்யா (251) முதலிடத்தில் நீடிக்கிறார்.