ரயில்வே அணி ரன் குவிப்பு: புச்சி பாபு தொடரில்

சேலம்: குஜராத் அணிக்கு எதிரான புச்சி பாபு லீக் போட்டியில் இந்தியன் ரயில்வே அணியின் விவேக் சிங், பிரதம் சிங் சதம் விளாசினர்.தமிழக கிரிக்கெட் சங்கம் (டி.என்.சி.ஏ.,) சார்பில் புச்சி பாபு கிரிக்கெட் தொடர் (4 நாள் போட்டி) நடத்தப்படுகிறது. இதன் முதல் சுற்று போட்டி நேற்று துவங்கின.சேலத்தில் துவங்கிய போட்டியில் இந்தியன் ரயில்வே, குஜராத் அணிகள் விளையாடுகின்றன. 'டாஸ்' வென்று முதலில் 'பேட்' செய்த ரயில்வே அணிக்கு ஷிவம் சவுத்தரி (88) நல்ல துவக்கம் கொடுத்தார். விவேக் சிங் (104), பிரதம் சிங் (130) சதம் விளாசினர். முதல் நாள் முடிவில் ரயில்வே அணி முதல் இன்னிங்சில் 429/6 ரன் எடுத்திருந்தது. குஜராத் சார்பில் சித்தார்த் தேசாய் 3 விக்கெட் வீழ்த்தினார்.தீரு சிங் சதம்: கோவையில் நடக்கும் லீக் போட்டியில் மும்பை, ஹரியானா அணிகள் விளையாடுகின்றன. 'டாஸ்' வென்று முதலில் 'பேட்' செய்த ஹரியானா அணிக்கு நிஷாந்த் சித்து (91), தீரு சிங் (130*) கைகொடுத்தனர். ஹரியானா அணி முதல் இன்னிங்சில் 288/6 ரன் எடுத்திருந்தது.ம.பி., தடுமாற்றம்: திருநெல்வேலியில் நடக்கும் லீக் போட்டியில் மத்திய பிரதேசம் (ம.பி.,), ஜார்க்கண்ட் அணிகள் விளையாடுகின்றன. 'டாஸ்' வென்று முதலில் 'பேட்' செய்த ம.பி., அணி, ஆட்டநேர முடிவில் 225/8 ரன் எடுத்திருந்தது. சுபம் குஷ்வா (84) அரைசதம் விளாசினார்.ஆயுஷ் அபாரம்:திண்டுக்கல், நத்தம் என்.பி.ஆர்., கல்லுாரி மைதானத்தில் நடக்கும் லீக் போட்டியில் சத்தீஸ்கர், ஜம்மு காஷ்மீர் அணிகள் விளையாடுகின்றன. 'டாஸ்' வென்று முதலில் 'பேட்' செய்த சத்தீஸ்கர் அணிக்கு ஆயுஷ் பாண்டே (138) சதம் கடந்து கைகொடுத்தார். சத்தீஸ்கர் அணி முதல் இன்னிங்சில் 278 ரன்னுக்கு 'ஆல்-அவுட்' ஆனது. காஷ்மீர் சார்பில் அபித் முஷ்தாக் 4 விக்கெட் வீழ்த்தினார். காஷ்மீர் அணி முதல் இன்னிங்சில் 29/2 ரன் எடுத்திருந்தது.