ஜெய்ப்பூரை வென்றது பெங்களூரு: புரோ கபடி லீக் போட்டியில்
புதுடில்லி: புரோ கபடி லீக் போட்டியில் அசத்திய பெங்களூரு அணி, ஜெய்ப்பூரை வீழ்த்தியது.இந்தியாவில், புரோ கபடி லீக் 12வது சீசன் நடக்கிறது. இதில் தமிழ் தலைவாஸ், 'நடப்பு சாம்பியன்' ஹரியானா, மும்பை, பெங்கால் உள்ளிட்ட 12 அணிகள் பங்கேற்கின்றன.டில்லியில் நடந்த லீக் போட்டியில் பெங்களூரு, ஜெய்ப்பூர் அணிகள் மோதின. ஜெய்ப்பூர் வீரர்களை 'ஆல்-அவுட்' செய்த பெங்களூரு அணி, முதல் பாதி முடிவில் 18-13 என முன்னிலையில் இருந்தது. இரண்டாவது பாதியிலும் ஆதிக்கம் செலுத்திய பெங்களூரு அணி, ஆட்டநேர முடிவில் 47-26 என்ற கணக்கில் வெற்றி பெற்றது.பெங்களூரு அணி 13 போட்டியில், 7 வெற்றி, 6 தோல்வி என 14 புள்ளிகளுடன் 5வது இடத்தில் நீடிக்கிறது. ஏழாவது தோல்வியை பெற்ற ஜெய்ப்பூர் அணி 12 புள்ளிகளுடன் 8வது இடத்துக்கு தள்ளப்பட்டது. மற்றொரு லீக் போட்டியில் தமிழ் தலைவாஸ், புனே அணிகள் மோதின. இதில் தமிழ் தலைவாஸ் அணி 23-36 என்ற கணக்கில் தோல்வியடைந்தது.