இந்திய பெண்கள் அணி அசத்தல்: ஜூனியர் உலகக்கோப்பை ஹாக்கியில்

சாண்டியாகோ: ஜூனியர் உலகக்கோப்பை ஹாக்கி, 9-12வது இடத்துக்கான போட்டியில் இந்திய பெண்கள் அணி 3--1 என, 'பெனால்டி ஷூட் அவுட்' முறையில் உருகுவேயை வீழ்த்தியது.சிலியில், பெண்களுக்கான ஜூனியர் உலகக்கோப்பை ஹாக்கி 11வது சீசன் நடக்கிறது. 'சி' பிரிவு லீக் சுற்றில் நமீபியா, அயர்லாந்தை வீழ்த்திய இந்தியா, ஜெர்மனியிடம் தோல்வியடைந்து 2வது இடம் பிடித்தது. அடுத்து நடந்த 9-16வது இடத்துக்கான போட்டியில் இந்திய அணி, வேல்சை தோற்கடித்தது.இதன் 9-12வது இடத்துக்கான போட்டியில் இந்தியா, உருகுவே அணிகள் மோதின. பரபரப்பான இப்போட்டி ஆட்டநேர முடிவில் 1-1 என சமநிலையில் இருந்தது. இந்திய அணிக்கு மணிஷா (19வது நிமிடம்) கைகொடுத்தார்.இதனையடுத்து போட்டியின் முடிவு 'பெனால்டி ஷூட் அவுட்' முறைக்கு சென்றது. இதில் அசத்திய இந்தியா 3-1 என்ற கணக்கில் வெற்றி பெற்றது. இந்தியா சார்பில் பூர்ணிமா யாதவ், இஷிகா, கனிகா சிவாச் கோல் அடித்தனர். உருகுவே அணிக்கு அகஸ்டினா மட்டும் ஆறுதல் தந்தார்.