அரசு பள்ளியில் ஆண்டு விழா

திருப்போரூர்:திருப்போரூர் அடுத்த மானாமதி அரசு பெண்கள் உயர்நிலைப் பள்ளியில், நேற்று ஆண்டு விழா கொண்டாடப்பட்டது. இவ்விழாவில் சிறப்பு அழைப்பாளர்கள், பள்ளி தலைமையாசிரியர், ஆசிரியர்கள் கல்வியின் முக்கியத்துவம் குறித்தும், மாணவியரை ஊக்குவித்தும் பேசினர். தொடர்ந்து, பள்ளி ஆண்டறிக்கை வாசிக்கப்பட்டது. மாணவியரின் கலை நிகழ்ச்சிகள் நடைபெற்றன.ஆண்டு விழாவையொட்டி நடத்தப்பட்ட பேச்சுப் போட்டி, கட்டுரை, ஓவியப் போட்டி, நடனம் போட்டிகளில் வெற்றி பெற்ற மாணவியருக்கு பரிசுகள், சான்றிதழ்கள் வழங்கப்பட்டன.நிகழ்ச்சிக்கான ஏற்பாடுகளை பள்ளி ஆசிரியர்கள் செய்தனர். பெற்றோர், பள்ளி மேலாண்மைக் குழுவினர் உட்பட பலர் பங்கேற்றனர்.