ஆக்கிரமிபை அகற்றி சிக்னல் அமைக்க கோரிக்கை
திருப்போரூர் : கேளம்பாக்கம் - -வண்டலுார் சாலையில் உள்ள மாம்பாக்கம் சந்திப்பு சாலையில் ஆக்கிரமிப்பை அகற்றி, சிக்னல் அமைக்க வேண்டும் என, அப்பகுதி ஊராட்சி துணைத்தலைவர், அமைச்சர் அன்பரசனிடம் குறைத்தீர் கூட்டத்தில் கோரிக்கை மனு அளித்துள்ளார்.மனுவில் கூறியிருப்பதாவது:திருப்போரூர் ஒன்றியம், மாம்பாக்கம் ஊராட்சியில், வண்டலுார் - -கேளம்பாக்கம் மற்றும் மாம்பாக்கம் - -மேடவாக்கம் கூட்டுச்சாலை அமைந்துள்ளது.இச்சாலை ஒட்டி தனிநபர்கள் ஆக்கிரமிப்பு செய்துள்ளனர். இதனால், இக்கூட்டுச் சாலையில், தினசரி வாகன போக்குவரத்து நெரிசல் ஏற்படுவதுடன் விபத்தும் ஏற்படுகிறது.எனவே, மாம்பாக்கம் கூட்டுச்சாலை ஓட்டியுள்ள ஆக்கிரமிப்புகளை அகற்றி, சிக்னல் அமைத்து தர நடவடிக்கை எடுக்க வேண்டும்.இவ்வாறு மனுவில் கூறப்பட்டுள்ளது.