தண்ணீர் பக்கெட்டில் விழுந்து 1 வயது குழந்தை உயிரிழப்பு

அரும்பாக்கம், அரும்பாக்கம், கம்யூனிட்டி ஹால் தெருவைச் சேர்ந்தவர் முஹமது தாரீக், 45; வீட்டிலிருந்து, 'ஆன்லைன்' வாயிலாக,'குரான்' வகுப்பு எடுத்து வருகிறார். இவரது மனைவி ஷாஜியா பர்வீன், 38. தம்பதிக்கு நான்கு குழந்தைகள்.நேற்று முன்தினம் மாலை முஹமது தாரீக், வீட்டில் உள்ள ஒரு அறையில் இருந்துள்ளார். அவரது மனைவி, வீட்டு வேலைகளை செய்துள்ளார். அவர்களது 1 வயதுடைய மகன் முஹமத் அத்னான் தாரீக், விளையாடிக் கொண்டே கழிப்பறைக்குச் சென்றுள்ளான்.அங்கு, தண்ணீர் நிரம்பியிருந்த பிளாஸ்டிக் பக்கெட்டில், தலைகுப்புறத் தவறி விழுந்து மயங்கியுள்ளான்.குழந்தையை மீட்டு, தனியார் மருத்துவமனையில் அனுமதித்து சோதித்தபோது, குழந்தை இறந்து விட்டதாக மருத்துவர்கள் கூறியுள்ளனர். அரும்பாக்கம் போலீசார் விசாரிக்கின்றனர்.