கட்டுமான பணி நேரம் மாற்றம்

சென்னை:சென்னையில் பொதுவாக கட்டுமான பணியாளர்கள், காலை 9:00 முதல் மாலை 5:00 மணி வரை பணிபுரிவர்.கோடை வெயிலின் தாக்கம் அதிகமாக இருப்பதால், சோர்வு அதிகரித்து பணி பாதிக்கப்படுகிறது. இதனால், சில கட்டுமான நிறுவனங்கள், கோடை முடியும் வரை பணி நேரத்தை மாற்றி அமைத்துள்ளனர்.இதுகுறித்து வேளச்சேரியைச் சேர்ந்த கட்டுமான நிறுவன உரிமையாளர் குமாரராஜா கூறியதாவது:வெயிலின் தாக்கம் அதிகமாக இருப்பதால், பணியின் வேகம் குறைகிறது.இதனால், ஜூன் 15ம் தேதி வரை, காலை 6:00 முதல் மதியம் 2:00 மணி வரை என, பணி நேரத்தை மாற்றி உள்ளோம். இதனால், ஊழியர்கள் சோர்வில்லாமல் பணிபுரிவர். குறிப்பிட்ட நாளில் பணியை முடிக்க முடியும்.இவ்வாறு அவர் கூறினார்.