தேசிய ஆணழகன் போட்டி 450 வீரர்கள் பங்கேற்பு

திருவொற்றியூர்தமிழக முதல்வர் ஸ்டாலின் பிறந்த நாளையொட்டி, தி.மு.க., பிரமுகர் சிவராமன் ஏற்பாட்டில், 'ராக் கிளாசிக் - 2025' சார்பில், தேசிய அளவிலான ஆணழகன் போட்டி, நேற்று முன்தினம் ராஜாகடை தனியார் பள்ளி வளாகத்தில் நடந்தது.இதில், பாண்டிசேரி, பெங்களூரு, கொல்கத்தா உள்ளிட்ட பல்வேறு பகுதிகளில் இருந்து வந்திருந்த, 450க்கும் மேற்பட்ட வீரர் - வீராங்கனையர் பங்கேற்றனர்.அதன்படி, வயது மற்றும் எடை பிரிவு வாரியாக போட்டிகள் நடத்தப்பட்டன. இதில், சிறுவர்கள், மாற்றுத்திறனாளிகள் உள்ளிட்டோருக்கான போட்டிகளும் நடந்தன.பங்கேற்ற அனைவரும், கோப்பை, சான்றிதழ் மற்றும் பதக்கங்கள் வழங்கி கவுரவிக்கப்பட்டனர். சிறப்பு பரிசாக, எல்.இ.டி., தொலைக்காட்சி, மிக்சி, மின்விசிறி உள்ளிட்டவையும் வழங்கப்பட்டன.