தினமலர் செய்தி எதிரொலி புதிதாக சாலை அமைப்பு

சென்னை,தேனாம்பேட்டை மண்டலம், ராயப்பேட்டை பீட்டர்ஸ் சாலை மேம்பாலத்தின் அணுகு சாலை, போக்குவரத்திற்கு லாயக்கற்ற நிலையில் சிதிலமடைந்து காணப்பட்டது. இதையடுத்து, அணுகு சாலையில் 'மில்லிங்' செய்யப்பட்டு, இரு தினங்களுக்கு முன், 50 மீட்டர் நீளத்திற்கு புதிதாக தார் சாலை அமைக்கப்பட்டது. அடுத்த நாள் காலை, புதிதாக போடப்பட்ட சாலையில் கற்கள் பெயர்ந்து, அவ்வழியாக செல்லும் இருசக்கர வாகன ஓட்டிகள் சறுக்கி விழும் அபாயம் ஏற்பட்டது. தரமில்லாமல் சாலை அமைத்த ஒப்பந்ததாரர் மீது நடவடிக்கை எடுக்க வேண்டும் என, அப்பகுதிமக்கள் கோரிக்கை விடுத்தனர். இதுகுறித்து நம் நாளிதழில் புகைப்படத்துடன் கூடிய செய்தி வெளியானது. இதன் எதிரொலியாக, அணுகு சாலையில் தரமின்றி அமைக்கப்பட்ட சாலையை அடியோடு பெயர்த்தெடுத்து, நேற்று முன்தினம் நள்ளிரவு, புதிதாக சாலை போடப்பட்டுள்ளது.