முதல் டிவிஷன் கால்பந்தில் வருமான வரி அணி அசத்தல்
சென்னை, சென்னை கால்பந்து அமைப்பு சார்பில், ஆண்களுக்கான முதல் டிவிஷன் கால்பந்து போட்டி, சென்னை, ஐ.சி.எப்., மைதானத்தில் நடந்து வருகிறது. நேற்று நடந்த போட்டியில் வருமான வரி அணி, டி.பி.ஒய்.சி., கீழ்ப்பாக்கம் அணியை எதிர்த்துப் போட்டியிட்டது. இந்தப் போட்டியில் டி.பி.ஒய்.சி., கீழ்ப்பாக்கம் அணியை, 0-4 என்ற கோல் கணக்கில், வருமான வரி அணி வீழ்த்தி வெற்றி பெற்றது. வருமான வரி அணி சார்பில், சூசை 52, 60வது நிமிடத்திலும், ரசூல் 68வது நிமிடம், சூரியா 73வது நிமிடத்திலும் கோல் அடித்து அசத்தினர்.