மணலி ஆரம்ப சுகாதார நிலையம் வார்டு அலுவலகத்திற்கு மாற்றம்

மணலி, புதிய கட்டடப் பணிகள் துவங்க வசதியாக, மணலி ஆரம்ப சுகாதார நிலையம், வார்டு அலுவலகத்திற்கு மாற்றப்பட்டுள்ளது. மணலி பாட சாலை தெருவில், ஆரம்ப சுகாதார நிலைம் செயல்பட்டு வந்தது. இக்கட்டடம் கட்டி பல ஆண்டுகள் கடந்த நிலையில், புதிய கட்டடம் கட்டி தர, அ.தி.மு.க., கவுன்சிலர் ராஜேஷ்சேகர் கோரிக்கை விடுத்திருந்தார். இதையேற்று, 2.15 கோடி ரூபாய் செலவில், ஆரம்ப சுகாதார நிலையத்திற்கு புதிய கட்டடம் கட்டும் பணியை, மாநகராட்சி துவக்க உள்ளது. இதன் காரணமாக, ஆரம்ப சுகாதார நிலையம், பாடசாலையில் உள்ள, 21 வது வார்டு அலுவலக கட்டடத்தில் தற்காலிகமாக செயல்படும் வகையில், இடமாற்றம் செய்யப்பட்டுள்ளது. ஆறு மாதங்களில் கட்டுமான பணிகள் முடிந்து, புதிய ஆரம்ப சுகாதார நிலையம் பயன்பாட்டிற்கு கொண்டு வரப்படும் என, அதிகாரிகள் தெரிவித்தனர்.