மாநில கிக் பாக்சிங் சாம்பியன்ஷிப் 500 வீரர், வீராங்கனையர் மோதல்

சென்னை, தமிழ்நாடு மாநில அமெச்சூர் கிக் பாக்சிங் சங்கம் சார்பில், மாநில அளவிலான கிக் பாக்சிங் சாம்பியன்ஷிப் போட்டி, நேற்று முன்தினம் துவங்கியது.போட்டிகள், செங்கல்பட்டு மாவட்டம், வண்டலுார் அடுத்த மேலக்கோட்டையூரில் உள்ள தமிழ்நாடு உடற்கல்வி பல்கலையில் நடக்கிறது.இதில், சப் - ஜூனியர், ஜூனியர், சீனியர் மற்றும் மாஸ்டர்ஸ் ஆகிய பிரிவுகளில், கிக் லைட், புல் காண்டாக்ட், லோ கிக், கே - 1 ஸ்டைல், இசை வடிவம் உள்ளிட்ட 12 வகையான போட்டிகள் நடக்கின்றன.போட்டியில், சென்னை, காஞ்சிபுரம், திருவள்ளூர் உட்பட பல்வேறு மாவட்டங்களில் இருந்து, 500க்கும் மேற்பட்ட வீரர் - வீராங்கனையர் மோதி வருகின்றனர். போட்டிகள் நாளை வரை நடக்கின்றன. இப்போட்டியில் வெற்றி பெற்று தேர்வாகுவோர், வேலுாரில் நடக்க உள்ள தேசிய கிக் பாக்சிங் பயிற்சி முகாமிற்கு தகுதி பெறுவர் என, போட்டியின் ஒருங்கிணைப்பாளர்கள் தெரிவித்தனர்.