பிடே ரேட்டிங் ஓபன் செஸ் தமிழக வீரர்கள் முன்னிலை

சென்னை :எஸ்.ஆர்.எம்., பல்கலை ஆதரவில், கோல்டன் கேநைட் செஸ் அகாடமி, மாஸ்டர் மைன்டு செஸ் அகாடமி இணைந்து, சர்வதேச பிடே ரேட்டிங் செஸ் போட்டி, காட்டாங்கொளத்துாரில் உள்ள பல்கலையில் நடக்கிறது.ஓபன் முறையில் நடக்கும் இப்போட்டியில், எட்டு மாநிலங்கள் மற்றும் 226 சர்வதேச மாஸ்டர்கள் உட்பட, மொத்தம் 446 வீரர் - வீராங்கனையர் பங்கேற்றுள்ளனர்.நேற்று மதியம் வரை நடந்த மூன்றாவது சுற்றில், தமிழகத்தின் பிரவீன், மற்றொரு தமிழக வீரர் மதியழகனை தோற்கடித்து, மூன்று புள்ளிகள் பெற்று முன்னிலை பெற்றார்.அதேபோல், தமிழகத்தின் விஜய்ஸ்ரீராம், லைலேஷ், அஜ்ஜேஷ், ஹரிகணேஷ், ராமநாதன், சிவன் ரோஷன், சித்தார்த் மற்றும் விக்னேஷ் ஆகியோர், தலா மூன்று புள்ளிகள் பெற்றனர். போட்டிகள் தொடர்ந்து நடக்கின்றன.