சுகாதார பராமரிப்பு சான்றிதழ் பயிற்சி

கோவை; நீலம்பூர், ராயல் கேர் சூப்பர் ஸ்பெஷாலிட்டி மருத்துவமனையின் தொற்று தடுப்பு மற்றும் கட்டுப்பாட்டு பிரிவு துறை சார்பில், 'சுகாதார பராமரிப்பில் மேற்பரப்பு சுத்தம் மற்றும் கிருமி நீக்கம்' என்ற பெயரில், பயிற்சி நடந்தது.அங்கீகாரம் பெற்ற மருத்துவமனை அமைப்புகளின் கூட்டமைப்பு சார்பில் நடந்த இந்த நிகழ்வில், நோய்த்தொற்றுகள் பரவுவதில் சுற்றுச்சூழல் மாசுபாட்டின் முக்கியத்துவம், சுகாதார தொற்று கட்டுப்பாட்டு திட்டத்தின் கட்டமைப்பிற்குள் சுத்தம் செய்தல் மற்றும் கிருமி நீக்கத்தை திறம்பட செயல்படுத்துவதன் அவசியம் குறித்து பயிற்சியளிக்கப்பட்டது.நோயாளி பராமரிப்புக்கான சுத்தமான மற்றும் பாதுகாப்பான சூழலை உறுதி செய்யும் முறைகள் குறித்து, செய்முறை விளக்கம் அளிக்கப்பட்டது. கோவை மற்றும் சுற்றுவட்டாரப் பகுதிகளில் உள்ள பல்வேறு மருத்துவமனைகளில் இருந்து, 75க்கும் மேற்பட்டோர் பங்கேற்றனர்.