இளநீர் பண்ணை விலை ஒரு ரூபாய் உயர்வு 

பொள்ளாச்சி;பொள்ளாச்சி, ஆனைமலை தாலுகா பகுதியில், இளநீர் பண்ணை விலை கடந்த வார விலையை விட, ஒரு ரூபாய் உயர்ந்துள்ளது. ஆனைமலை இளநீர் உற்பத்தியாளர் சங்கத்தின், தலைமை ஒருங்கிணைப்பாளர் சீனிவாசன் கூறியதாவது:இந்த வாரம், நல்ல தரமான குட்டை நெட்டை வீரிய ஒட்டு இளநீரின் விலை கடந்த வார விலையை விட, ஒரு ரூபாய் உயர்த்தப்பட்டு, 35 ரூபாயாக நிர்ணயம் செய்யப்படுகிறது. ஒரு டன் இளநீரின் விலை, 13,500 ரூபாய் என நிர்ணயம் செய்யப்பட்டுள்ளது. தேவை மிகவும் அதிகமாக உள்ளது. எனவே, குறைந்த விலைக்கு இளநீரை விற்பனை செய்ய வேண்டாம் என அறிவுறுத்தப்படுகிறது. தொடர்ந்து, இளநீரின் விலை உறுதியாக உயரும். இவ்வாறு, அவர் தெரிவித்தார்.