சி.டி.சி.ஏ. கிரிக்கெட் போட்டி; ஆறுமுகம் லெவன் வெற்றி
கோவை; கோவை மாவட்ட கிரிக்கெட் சங்கம்(சி.டி.சி.ஏ.) சார்பில் இரண்டாவது டிவிஷன் போட்டி, சி.ஐ.டி., பி.எஸ்.ஜி. ஐ.எம்.எஸ்., உள்ளிட்ட மைதானங்களில் நடக்கிறது. சர் ராபர்ட் ஸ்டேன்ஸ் மெமோரியல் கிரிக்கெட் கிளப் அணியும், ஆறுமுகம் லெவன் பேட்ரியாட்ஸ் கிரிக்கெட் கிளப் அணியும் மோதின. சர் ராபர்ட் ஸ்டேன்ஸ் மெமோரியல் கிரிக்கெட் கிளப் அணியினர், 25 ஓவரில் அனைத்து விக்கெட்களையும் இழந்து, 77 ரன் எடுத்தனர். எதிரணி வீரர்களான ராஜேஷ், கவுதம் ஆகியோர் தலா நான்கு விக்கெட் வீழ்த்தினர். ஆறுமுகம் லெவன் பேட்ரியாட்ஸ் அணியினர், 8.2 ஓவரில் மூன்று விக்கெட் இழப்புக்கு, 80 ரன் எடுத்தனர். வீரர் சந்தீப், 42 ரன் விளாசி அணியின் வெற்றிக்கு வழிவகுத்தார். தொடர்ந்து, போட்டிகள் நடக்கின்றன.