தேங்காய் ஏல விற்பனை

அன்னூர்: அன்னூர் ஒழுங்குமுறை விற்பனை கூடத்தில், வாராந்திர வேளாண் விளைபொருட்கள் ஏல விற்பனை நேற்று நடந்தது. இதில் 12 ஆயிரத்து 300 தேங்காய்கள் விற்பனைக்கு வந்திருந்தன. தேங்காய் ஒரு கிலோ குறைந்தது, 59 ரூபாய் பத்து பைசா முதல், அதிகபட்சம், 68 ரூபாய் 99 பைசா வரை விற்பனையானது. தேங்காய் கொப்பரை, 38 மூட்டை விற்பனைக்கு வந்திருந்தது. ஒரு கிலோ குறைந்தது, 180 ரூபாய் முதல் அதிகபட்சம் 225 ரூபாய்க்கு விற்பனையானது. தேங்காய் தொட்டி ஒரு கிலோ, 29 ரூபாய் 29 பைசாவுக்கு விற்பனையானது. தண்ணீர் வற்றிய தேங்காய் ஒரு கிலோ 90 ரூபாய்க்கு விற்பனையானது. இதில், 59 விவசாயிகளும், 10 வியாபாரிகளும் பங்கேற்றனர். இத்தகவலை கோவை விற்பனை குழு முதுநிலை செயலாளர் ஆறுமுக ராஜன், விற்பனை கூட கண்காணிப்பாளர் சந்திரசேகரன் ஆகியோர் தெரிவித்தனர்.