ரூ.2.47 லட்சத்துக்கு கொப்பரை ஏலம்

நெகமம்: நெகமம் ஒழுங்குமுறை விற்பனை கூடத்தில், 2.47 லட்சம் ரூபாய்க்கு கொப்பரை ஏலம் நடந்தது. நெகமம் ஒழுங்குமுறை விற்பனை கூடத்தில் ஏராளமான விவசாயிகள் தங்கள் விளைபொருட்களை இருப்பு வைத்து, விலை அதிகரிக்கும் போது விற்பனை செய்தும், ஏல முறையில் விற்பனை செய்தும் வருகின்றனர். நேற்று நடந்த கொப்பரை ஏலத்தில், 50 கிலோ எடை கொண்ட, 45 கொப்பரை மூட்டைகள், 2 லட்சத்து 47 ஆயிரத்து 347 ரூபாய்க்கு விற்பனையானது. இதில், முதல் தர கொப்பரை, 183.30 முதல் 187.40 ரூபாய்க்கும், இரண்டாம் தர கொப்பரை, 135.56 முதல் 145.50 ரூபாய்க்கும் விற்பனையானது. இதில், 18 விவசாயிகள் மற்றும் 4 வியாபாரிகள் பயனடைந்தார்கள். இத்தகவலை விற்பனை கூட கண்காணிப்பாளர் ஜெயராமகிருஷ்ணன் தெரிவித்தார்.