ஐயப்ப சுவாமி கோவிலில் பக்தர்கள் திருவிளக்கு பூஜை

வால்பாறை; வால்பாறை வாழைத்தோட்டம் ஐயப்ப சுவாமி கோவில், 65ம் ஆண்டு மண்டல பூஜை திருவிழா, கடந்த 11ம் தேதி கொடியேற்றத்துடன் துவங்கியது. நேற்றுமுன்தினம் மாலை, கோவில் வளாகத்தில் திருவிளக்கு பூஜை நடந்தது. இதில் நுாற்றுக்கணக்கான பெண்கள் கலந்து கொண்டனர்.நேற்று மாலை, 6:30 மணிக்கு தீபாராதனை, இரவு 7:00 மணிக்கு சீவேலி பூஜை நடந்தது. இன்று (14ம் தேதி) காலை, 5:30 மணிக்கு நடைதிறக்கப்பட்டு, 6:00 மணிக்கு கணபதி பூஜையும், 6:15 மணிக்கு உஷபூஜையும் நடக்கிறது.தொடர்ந்து மாலை, 3:00 மணிக்கு ஸ்டேன்மோர் ரோடு ராஜிவ்காந்திநகர் மாரியம்மன் திருக்கோவிலில் இருந்து, ஐயப்ப பக்தர்கள் பாலகொம்பு எடுத்து, நகரின் முக்கிய வீதி வழியாக கோவிலை வந்தடைகின்றனர். நாளை (15ம் தேதி) மாலை, 3:15 மணிக்கு அலங்கரிக்கப்பட்ட தேரில் எழுந்தருளி திருவீதி உலா சென்று பக்தர்களுக்கு அருள்பாலிக்கிறார்.