பனி விழும் அதிகாலை நேரம்: சுகாதாரத்துறை அறிவுறுத்தல்

மேட்டுப்பாளையம்: கோவை மாவட்டம் மேட்டுப்பாளையம், காரமடை சுற்றுவட்டார பகுதிகளில், கடந்த சில நாட்களாக மழை பெய்து வருகிறது. மேலும் அதிகாலை மற்றும் இரவு நேரங்களில், பனிப்பொழிவு அதிகரித்துள்ளது. இதனால் சளி, காய்ச்சல் பாதிப்பு அதிகரித்துள்ளது. சுகாதாரத்துறையின் வாயிலாக காய்ச்சல் பாதிப்பு உள்ள இடங்களில் மருத்துவக் குழுவினர் நேரில் சென்று சிகிச்சை அளிக்கின்றனர். மேலும் காய்ச்சல் தொடர்பாக வரும் புகார்கள் குறித்தும் கள ஆய்வும் மேற்கொள்ளப்படுகிறது. காரமடை வட்டார சுகாதாரத்துறையினர் கூறுகையில், 'காரமடை வட்டாரத்துக்கு உட்பட்ட பகுதிகளில் காய்ச்சல் தடுப்பு நடவடிக்கை தீவிரமாக மேற்கொள்ளப்பட்டு வருகிறது. சளி, காய்ச்சல் தொடர்பாக அனைத்து மருந்துகளும் கையிருப்பில் உள்ளன. தண்ணீரை காய்ச்சி தான் குடிக்க வேண்டும். அதிக பனி, மழை நேரங்களில் வெளியே செல்வதை தவிர்க்க வேண்டும். தும்மல், இருமல் இருப்போர் முககவசம் அணிய வேண்டும். காய்ச்சல் வந்தால் மருத்துவரை அணுக வேண்டும். சுயமாக மாத்திரை சாப்பிடக்கூடாது. மருந்தகங்களில் பிரிஸ்கிரிப்ஷன் இன்றி மருந்து, மாத்திரைகள் வழங்கக்கூடாது என அறுவுறுத்தி வருகிறோம்' என்றனர்.-----