கருப்பராயசாமி கோவில் தேர் திருவிழா

அன்னுார்; அன்னுார், சிறுமுகை ரோட்டில், குன்னியூர், கைகாட்டியில் உள்ள கருப்பராயசாமி கோவிலில், 11வது ஆண்டு திருக்கல்யாணம் மற்றும் திருத்தேர் திருவிழா வருகிற 19ம் தேதி துவங்குகிறது. அன்று மாலை 5:00 மணிக்கு, வாஸ்து சாந்தி, விநாயகர் வழிபாடு மற்றும் அபிஷேக பூஜை நடைபெறுகிறது. இதையடுத்து, கரகம் எடுத்தலும், அன்னதானமும், வள்ளி கும்மி நடனமும் நடைபெறுகிறது. வரும் 20ம் தேதி காலை 7:00 மணிக்கு, கருப்பராய சுவாமிக்கு 1,008 மலர் அர்ச்சனை நடைபெறுகிறது. காலை 10:00 மணிக்கு, கருப்பராய சுவாமி திருக்கல்யாண உற்சவம் நடைபெறுகிறது. மதியம் சுவாமி அழைத்து வருதலும், 2,000 பேருக்கு அசைவ அன்னதானம் வழங்குதலும் நடைபெறுகிறது.