ஊட்டி உருளைக்கிழங்கு விலை உயர்வு

மேட்டுப்பாளையம்; மேட்டுப்பாளையத்தில் ஊட்டி உருளைக்கிழங்கு விலை உயர்ந்து மூட்டை ஒன்று ரூ.1,940க்கு விற்பனை ஆனது.மேட்டுப்பாளையம் நெல்லித்துறை சாலையில், நீலகிரி கூட்டுறவு விற்பனைச் சங்கம், செயல்பட்டு வருகிறது. இங்கு, நீலகிரி மாவட்டம் ஊட்டி, குன்னூர், கோத்தகிரி, கேத்தி, கூடலூர் என பல்வேறு இடங்களில் உற்பத்தி செய்யப்படும் உருளைக்கிழங்குகள் ஏலம் விடப்பட்டு விற்பனை செய்யப்படுகிறது.கடந்த சில நாட்களாக அதிகபட்சமாக 45 கிலோ எடை கொண்ட ஒரு மூட்டை, ஊட்டி உருளைக்கிழங்கு ரூ.1,300 முதல் ரூ.1,600 வரை விற்பனை ஆனது. அதன் பின் மெல்ல மெல்ல விலை உயர்ந்து வந்தது. நேற்று ஊட்டி கிழங்குகள் அதிகபட்சமாக ரூ.1,940க்கு விற்பனை ஆனது. சுமார் 400 மூட்டைகள் லோடு வந்தன. விலை உயர்வால் விவசாயிகள் மகிழ்ச்சியடைந்துள்ளனர்.