தினமலர் பட்டம் வினாடி - வினா போட்டி அரையிறுதிக்கு மாணவர்கள் தகுதி

கோவை'தினமலர்' மாணவர் பதிப்பான 'பட்டம்' மற்றும் எஸ்.என்.எஸ்., கல்விக் குழுமம் இணைந்து நடத்திய 'பதில் சொல் - பரிசை வெல்' வினாடி-வினா போட்டியில், பங்கேற்ற மாணவர்கள் அரையிறுதிக்கு தகுதி பெற்றனர். இப்போடிக்கு, சத்யா ஏஜென்சிஸ் மற்றும் ஸ்போர்ட்ஸ் லேண்ட் ஆகியவை கிப்ட் ஸ்பான்சர்களாக இணைந்துள்ளன. ஸ்ரீ விநாயகா வித்யாலயா சீனியர் செகண்டரி பள்ளி காரமடை பகுதியில் உள்ள இப்பள்ளியில் நடந்த தகுதி சுற்றில் 255 மாணவர்கள் பங்கேற்றனர். இதில், 16 பேர் எட்டு அணிகளாக பிரிந்து, பள்ளி அளவிலான இறுதிசுற்றில் பங்கேற்றனர். 'சி' அணியின் மோஹித் பீஷ்மா, ஸ்ரீ நிதி ஆகியோர் அரையிறுதிக்கு தகுதி பெற்றனர். முதல்வர் வித்யா குமார், இறுதி போட்டியில் பங்கேற்ற மாணவர்களுக்கு பரிசுகளை வழங்கினார். பாரதிய வித்யாலயா நர்சரி மற்றும் பிரைமரி பள்ளி சுந்தராபுரத்தில் உள்ள இப்பள்ளியில் நடந்த தகுதி சுற்றில் 100 மாணவர்கள் பங்கேற்றனர். இதில், 16 பேர் எட்டு அணிகளாக பிரிந்து, பள்ளி அளவிலான இறுதிசுற்றில் பங்கேற்றனர். 'ஏ' அணியின் அபி கிருஷ்ணன், மோஷிகா ஆகியோர் அரையிறுதிக்கு தகுதி பெற்றனர். முதல்வர் கீதா மகா விஷ்ணு இறுதி போட்டியில் பங்கேற்ற மாணவர்களுக்கு பரிசுகளை வழங்கினார்.