சுயதொழில் துவங்க பயிற்சி முகாம்

பொள்ளாச்சி; கோவை கால்நடை பன்முக மருத்துவமனை வளாகத்தில், கால்நடை துறை மற்றும் திறன் மேம்பாட்டு பிரிவு வாயிலாக, சுயதொழில்கள் துவங்க பயிற்சி முகாம் நடத்தப்படுகிறது. குறிப்பாக, பால் பண்ணை, கோழிப்பண்ணை, ஆடு மற்றும் பன்றி வளர்ப்பு, மீன்வளம் மற்றும் இதர கால்நடை தொடர்பான பயிற்சிகள் அளிக்கப்படுகின்றன. இதில், விவசாயிகள், படித்த இளைஞர்கள் கலந்து கொண்டு பயனடையலாம். மாதந்தோறும், 20 நாட்களுக்கு, 30 பயனாளிகள் வீதம் 6 மாதங்களுக்கு அளிக்கப்படும் பயிற்சி வகுப்பு, காலை, 8:00 மணி முதல் மாலை, 5:00 மணி வரை நடக்கிறது. இதற்கு, கால்நடைத்துறை வாயிலாக, 6 ஆயிரம் ரூபாய் ஊக்கத் தொகையும் வழங்கப்படுகிறது. இதில், பொள்ளாச்சி கோட்டத்தில் உள்ள பயனாளிகளும் கலந்து கொண்டு பயன்பெறலாம். அதற்கு, அந்தந்த பகுதியில் உள்ள கால்நடை மருந்தகங்களை அணுகி விபரம் அறிந்து கொள்ளலாம். இந்த தகவலை, கால்நடைத்துறை அதிகாரிகள் தெரிவித்தனர்.