26 கி.மீ.,வேகத்தில் காற்று வீசும்: காலநிலை ஆய்வு மையம் தகவல்
கோவை: கோவை, வேளாண் பல்கலையில் செயல்படும் வேளாண் காலநிலை ஆராய்ச்சி மைய தலைவர் சத்தியமூர்த்தி அறிக்கை: வரும் 3ம் தேதி வரை மேற்குத் தொடர்ச்சி மலையோரப் பகுதிகளில் மிதமானது முதல் கனமான மழை பெய்யக்கூடும். மேற்கு மாவட்டங்களில், தூறல் அல்லது லேசான மழை எதிர்பார்க்கப்படுகிறது. குறைந்தது 8 முதல் அதிகபட்சம் மணிக்கு 26 கி.மீ., வேகத்தில் காற்று வீசக்கூடும். மண் அரிப்பைத் தடுக்க தேவையான முன்னெடுப்புகளை மேற்கொள்ளவும். காற்று வேகமாக வீசும் சமயங்களில், களைக் கொல்லி, பூச்சிக் கொல்லிகளைத் தெளிப்பதைத் தவிர்க்கவும். இவ்வாறு, அறிக்கையில் தெரிவிக்கப்பட்டுள்ளது.