ரூ. 7 லட்சத்தில் டிரான்ஸ்பார்மர் அரியராவி பீடரில் இயக்கி வைப்பு

பெண்ணாடம் : அரியராவி பீடரில் ரூ. 7 லட்சத்தில் புதிதாக அமைக்கப்பட்ட டிரான்ஸ்பார்மர் இயக்கி வைக்கப்பட்டது.பெண்ணாடம் துணைமின் நிலையம், அரியராவி பீடரில் குறைந்த மின்னழுத்தம், அதிக மின்பளு காரணமாக அடிக்கடி மின்தடை ஏற்பட்டது. இதனால் விவசாயிகள், வார்டு மக்கள் அவதியடைந்தனர்.அதைத்தொடர்ந்து, தமிழ்நாடு மின் உற்பத்தி மற்றும் பகிர்மான கழகம் சார்பில், அரியராவி பீடர், பெண்ணாடத்தில் ரூ. 7 லட்சத்து 910 செலவில் 63 கே.வி.ஏ., திறனுடைய புதிய டிரான்ஸ்பார்மர் அமைக்கப்பட்டது. இந்த டிரான்ஸ்பார்மர் மக்கள், விவசாயிகள் பயன்பாட்டிற்கு இயக்கி வைக்கப்பட்டது.பெண்ணாடம் துணைமின் நிலைய உதவி செயற்பொறியாளர் விஜயலட்சுமி, உதவி பொறியாளர் (நகரம்) வெங்கடேசன், போர்மேன் ரவிச்சந்திரன், மின்வாரிய பணியாளர்கள் உடனிருந்தனர்.