இணைப்பு சாலை சேதம் சீரமைக்க நடவடிக்கை தேவை

விருத்தாசலம்:குண்டும், குழியுமாக போக்குவரத்திற்கு லாயக்கற்ற நிலையில் உள்ள சின்னவடவாடி - எம்.பட்டி கிராம இணைப்பு சாலையை சீரமைக்க நடவடிக்கை எடுக்க வேண்டும். விருத்தாசலம் அடுத்த சின்னவடவாடி-எம்.பட்டி கிராம இணைப்பு சாலை வழியாக லாரி, வேன், டெம்போ உள்ளிட்ட நுாற்றுக்கும் மேற்பட்ட வாகனங்கள் தினசரி சென்று வருகின்றன. இந்த சாலை போடப்பட்டு 5 ஆண்டுகளுக்கு மேல் ஆவதால், சாலை தற்போது பராமரிப்பின்றி, ஜல்லிகள் பெயர்ந்து குண்டும் குழியுமாக உள்ளது. இதனால், வாகனங்கள் பழுது ஏற்படுகிறது. உடல் வலி ஏற்பவதால் வாகன ஓட்டிகள் சிரமத்திற்கு ஆளாகின்றனர். எனவே, இணைப்பு சாலையை சீரமைக்க அதிகாரிகள் நடவடிக்கை எடுக்க வேண்டும்.