வேளாண் அறிவியல் நிலைய பயிற்சி விவசாயிகளுக்கு அழைப்பு

விருத்தாசலம்: விருத்தாசலம் வேளாண் அறிவியல் நிலையம் சார்பில் இம்மாத பயிற்சி வகுப்புகள் அறிவிக்கப்பட்டுள்ளன. திட்ட ஒருங்கிணைப்பாளர் நடராஜன் விடுத்துள்ள செய்திக்குறிப்பு: ஸ்ரீமுஷ்ணம் அடுத்த சாத்தம ங்கலத்தில், வரும் டிச., 2ம் தேதி விவசாயிகளுக்கு நெல்லில் பயிர் மேலாண்மை தொழில்நுட்பங்கள் குறித்து பயிற்சி நடக்கிறது. விருத்தாசலம் வேளாண் அறிவியல் நிலையத்தில், வரும் டிச., 5ம் தேதி வேர் க்கடலையில் மேலாண்மை பயிற்சி நடக்கிறது. டிச., 6ம் தேதி கொளவாய் கிராமத்தில் எண்ணெய்வித்து பயிர்களில் மேம்படுத்தப்பட்ட விதை உற்பத்தி தொழில்நுட்பங்கள், டிச., 9ம் தேதி நந்தப்பாடியில் நெல்லில் அங்கக மேலாண்மை, அன்று விருத்தாசலம் அறிவியல் நிலையத்தில் தக்காளியில் மதிப்பு கூட்டுதல் மற்றும் சந்தைப்படுத்துதல் பயிற்சி நடக்கிறது. டிச., 10ம் தேதி வள்ளிமதுரம் கிராமத்தில் மக்காச்சோளத்தில் படைப்புழு மேலாண்மை, டிச., 11ம் தேதி காடாம்புலியூரில் பலாவில் உற்பத்தி தொழில்நுட்பங்கள் மற்றும் மதிப்புக்கூட்டுதல், டிச., 12ம் தேதி சி.சாத்தமங்கலத்தில் நெற்பயிரில் உரம், களை மற்றும் நீர் மேலாண்மை பயிற்சி நடக்கிறது. மேலும், 12ம் தேதியன்று, சிறுகாலுாரில் பயறு வகை பயிர்களில் மேம்படுத்தப்பட்ட விதை உற்பத்தி தொழில்நுட்பங்கள் பயிற்சி நடக்கிறது. டிச., 16ம் தேதி பெண்ணாடத்தில் இணை உணவுகள் தயாரித்தல், டிச., 17ம் தேதி பல்லவராயநத்தத்தில் காய்கறி பயிர்களில் அங்கக மேலாண்மை பயிற்சி நடக்கிறது. டிச., 18ம் தேதி ஏ.சித்துாரில் உளுந்து பயிரில் ஒருங்கிணைந்த பயிர் மேலாண்மை தொழில்நுட்ப பயிற்சி, டிச., 20ம் தேதி வடமூரில் பயறுவகை பயிர்களில் மேம்படுத்தப்பட்ட விதை உற்பத்தி தொழில்நுட்ப பயிற்சி, டிச., 23ம் தேதி நாரையூர் கிராமத்தில் எண்ணெய்வித்து பயிர்களில் மேம்படுத்தப்பட்ட விதை உற்பத்தி தொழில்நுட்ப பயிற்சி நடக்கி றது. டிச., 26ம் தேதி அறிவியல் நிலையத்தில் பலாவில் உற்பத்தி மற்றும் மதிப்புக் கூட்டுதல் தொழில்நுட்பங்கள் பயிற்சி நடக்கிறது. விவசாயிகள் பயிற்சி வகுப்புகளில் பங்கேற்று பயனடையலாம். இவ்வாறு, அதில் கூறப்பட்டுள்ளது.