தலைமறைவு குற்றவாளிகள் 4 பேர் ஒரே நாளில் கைது

சேலம்: சேலம், கிச்சிப்பாளையம், பெருமாள் கோவில் தெருவை சேர்ந்தவர் வினோத்குமார், 26, மோகன்குமார், 27. இருவரும், 2023ல் அடிதடி வழக்கில் கைது செய்யப்பட்டு சேலம் மத்திய சிறையில் அடைக்கப்பட்ட நிலையில் ஜாமினில் வந்தனர். அதேபோல் களரம்பட்டி, வீரவாஞ்சி தெருவை சேர்ந்தவர் பூபதி, 34; இவர், 2021ல் குற்ற வழக்கில் கைதாகி ஜாமினில் வந்தார். அதே வீரவாஞ்சி தெருவை சேர்ந்த இன்பராஜ், 26; 2018ல் அடிதடி வழக்கில் கைதாகி ஜாமினில் வந்தார். நான்கு பேரும் வழக்கு விசாரணைக்கு ஆஜராகவில்லை. இதனால் நீதிமன்றம் 'பிடிவாரன்ட்' பிறப்பித்தது. அவரவர் வீடுகளில் இருந்த வினோத்குமார், மோகன்குமார், பூபதி, இன்பராஜை, கிச்சிப்பாளையம் போலீசார் நேற்று கைது செய்தனர்.