பவானிசாகர் நீர்மட்டம்ஒகேனக்கல்லில் நீர்வரத்து 12,000 கன அடியாக சரிவு

ஒகேனக்கல், ஒகேனக்கல் காவிரியாற்றில் நீர்வரத்து நேற்று மாலை வினாடிக்கு, 12,000 கன அடியாக சரிந்தது.காவிரி நீர்பிடிப்பு பகுதிகளில் மழை பெய்து வருவதால், கர்நாடக அணைகளுக்கு நீர்வரத்து அதிகரிப்பதும், குறைவதுமாக உள்ளது. நீர்வரத்துக்கு ஏற்ப அங்குள்ள அணைகளில் இருந்து காவிரியில் தண்ணீர் திறக்கப்படுகிறது. நேற்று காலை, கபினி அணையிலிருந்து வினாடிக்கு, 10,000 கன அடி, கே.ஆர்.எஸ்., அணையிலிருந்து, 1,965 கன அடி என. 2 அணைகளில் இருந்து, 11,965 கன அடி தண்ணீர் திறக்கப்பட்டுள்ளது. தமிழக எல்லையான பிலிகுண்டுலுவில், நேற்று முன்தினம் மாலை, 19,000 கன அடியாக இருந்த நீர்வரத்து நேற்று மாலை, 5:00 மணிக்கு, 12,000 கன அடியாக சரிந்தது. தொடர்ந்து, 4வது நாளாக காவிரியாற்றில் குளிக்க, தர்மபுரி மாவட்ட நிர்வாகம் தடையை நீடித்துள்ளது.