3 ஆண்டுக்கு முன் உடைந்த தடுப்பணைகள் அதிகாரிகள் நடவடிக்கை இல்லையென புகார்

நல்லம்பள்ளி: கழனிகாட்டூரில் நீர் ஆதாரமாக விளங்கிய, 3 தடுப்பணைகள் மழையால் அடித்து சென்ற நிலையில், நீரை தேக்க அதிகாரிகள் நடவடிக்கை எடுக்கவில்லை என, பொதுமக்கள் குற்றச்சாட்டு தெரிவித்துள்ளனர்.தர்மபுரி மாவட்டம், நல்லம்பள்ளி ஒன்றியம், நாகர்கூடல் பஞ்., கழனிகாட்டூரில் தண்ணீரை தேக்கி வைக்க, நீரோடைகளில் கட்-டப்பட்டிருந்த, 3 தடுப்பனைகள் கடந்த, 2022 ஆக.‍, 2 அன்று பெய்த கனமழையால், காட்டாற்று வெள்ளத்தில் அடித்து செல்-லப்பட்டன. இவை சுற்றுவட்டார பகுதிகளில் நிலத்தடி நீர்-மட்டம் உயர முக்கிய நீர் ஆதாரமாக இருந்தன. இதனால், கோடைகாலங்களில் குடிநீர் பஞ்சம் ஏற்படாமல் இருந்தது. தடுப்-பணைகள் உடைந்ததால், நீரோடையில் வந்த நீர் முழுவதும் நேர-டியாக, நாகாவதி அணைக்கு சென்று விட்டது. இதனால், கடந்த, 2 ஆண்டுகளாக கோடைகாலத்தில் குடிநீர் தட்டுப்பாடு ஏற்பட்-டது. தடுப்பணைகள் அடித்து செல்லப்பட்டது குறித்து, நாகர்-கூடல் பஞ்., நிர்வாகம் சார்பில், நல்லம்பள்ளி பி.டி.ஓ., மற்றும் பொதுப்பணித்துறை பொறியாளர்கள் உள்ளிட்டோருக்கு தகவல் தெரிவித்தும், எந்த நடவடிக்கையும் எடுக்கவில்லை. எனவே, வரும் பருவமழையில் மழைநீரை சேமிக்க, தடுப்பணைகள் கட்ட நடவடிக்கை எடுக்க, அப்பகுதி பொதுமக்கள் கோரிக்கை விடுத்துள்ளனர்.