குதிரையாறு அணையில் வெள்ள அபாய எச்சரிக்கை

பழநி : தொடர் மழையால் பழநி பகுதியில் உள்ள பாலாறு-பொருந்தலாறு ,வரதமாநதி அணை, குதிரையாறு அணை அதிக நீர்வரத்தை பெற்றுள்ளது. இதில் வரதமாநதி அணை சில மாதங்களாக தொடர்ந்து நிரம்பி வழிகிறது. இந்நிலையில் பாலாறு -பொருந்தலாறு அணியின் நீர்மட்டம் நேற்று காலை 6:00 மணிக்கு 52.13அடியாக ( 65அடி) உயர்ந்துள்ளது. வரத்து 14.33 கன அடி,வெளியேற்றம் 9 கன அடியாக உள்ளது. வரதமாநதி அணையில் நீர்வரத்தும், வெளியேற்றமும் வினாடிக்கு 147 கனஅடியாக உள்ளது. குதிரையாறு அணை 74.55 அடியாக (80 அடி) உள்ளது. வினாடிக்கு 167 கன அடி நீர் வரத்தும், 7 கன அடி வெளியேற்றமும் உள்ளது.குதிரை ஆறு அணை நேற்று மாலை 4:30 மணிக்கு 75 (80)அடியாக உயர்ந்த நிலையில் இங்கு தொடர்ந்து மழை பெய்து வருவதால் குதிரை ஆற்றில் உபரி நீர் திறந்து விடப்படுகிறது. இதனால் ஆற்றின் கரையோர பகுதி பொதுமக்களுக்கு நீர்வளத்துறை உதவி செயற்பொறியாளர் உதயகுமார் வெள்ள அபாய எச்சரிக்கை அறிவிப்பை வெளியிட்டுள்ளார்.