வாழைத்தார், தேங்காய்ரூ.8.65 லட்சத்துக்கு ஏலம்

கோபி, டிச. 15-கோபி வேளாண்மை உற்பத்தியாளர் கூட்டுறவு விற்பனை சங்கத்தில், வாழைத்தார் மற்றும் தேங்காய் ஏலம் நேற்று நடந்தது. ஏலத்தில் கதளி ஒரு கிலோ, 30 ரூபாய், நேந்திரன், 62 ரூபாய்க்கும் விற்றது. பூவன் தார், 400, தேன்வாழை, 510, செவ்வாழை, 1,110, ரஸ்த்தாளி, 610, பச்சைநாடான், 390, ரொபஸ்டா, 340, மொந்தன், 300 ரூபாய்க்கும் விற்பனையானது. வரத்தான, 3,415 வாழைத்தார்களும், 5.65 லட்சம் ரூபாய்க்கு விற்பனையானது. தேங்காய் ஏலத்தில் ஒரு காய், 10 ரூபாய் முதல் 35 ரூபாய் வரை விற்பனையானது. வரத்தான, 12 ஆயிரத்து, 490 தேங்காய்களும், மூன்று லட்சம் ரூபாய்க்கு விற்பனையானதாக, சங்க நிர்வாகிகள் தெரிவித்தனர்.