ரேஷன் கார்டுதாரர்களுக்கு இன்று குறைகேட்பு முகாம்

கள்ளக்குறிச்சி: கள்ளக்குறிச்சியில், ரேஷன் கார்டுதாரர்களுக்கான குறைகேட்பு சிறப்பு முகாம் இன்று நடக்கிறது.குடிமைப்பொருள் தனி தாசில்தார் ராமகிருஷ்ணன் செய்திக்குறிப்பு:கள்ளக்குறிச்சி தாலுகா அலுவலகத்தில் பொது விநியோக திட்டத்தின் கீழ் குறைகேட்பு சிறப்பு முகாம் இன்று 15ம் தேதி நடக்கிறது. காலை 10:00 முதல், மதியம் 1:00 மணி வரை நடைபெறும் இம்முகாமில் பெயர் திருத்தம், உறுப்பினர் சேர்த்தல் மற்றும் நீக்குதல், முகவரி மாற்றம், கைபேசி எண் இணைத்தல், புகைப்படம் பதிவேற்றம் உள்ளிட்ட பணிகள் மேற்கொள்ளப்படுகிறது. மேலும் பொது விநியோகத்திட்டம் தொடர்பான குறைகளைத் தெரிவித்து பொதுமக்கள் பயன்பெறலாம்.இவ்வாறு செய்திக்குறிப்பில் கூறப்பட்டுள்ளது.