டிவிஷன் ஹாக்கி லீக் ரிசர்வ் வங்கி வெற்றி

சென்னை, முதலாவது டிவிஷன் ஹாக்கி போட்டியில், ரிசர்வ் வங்கி கிளப், 5 - 3 என்ற கோல் கணக்கில், திவாகர் மெமோரியல் அணியை தோற்கடித்தது. சென்னை ஹாக்கி சங்கம் சார்பில், முதலாவது டிவிஷன் அணிகளுக்கான ஹாக்கி லீக் சாம்பியன்ஷிப் போட்டிகள், எழும்பூர் ராதாகிருஷ்ணன் ஹாக்கி மைதானத்தில் நடக்கின்றன.வேளச்சேரி கிளப், எம்.சி.சி., - அடையார் யங்கஸ்ட், இந்திரா காந்தி உள்ளிட்ட 33 அணிகள் பங்கேற்றுள்ளன. மொத்தம் எட்டு குழுவாக பிரிந்து, லீக் முறையில் மோதுகின்றன.நேற்று முன்தினம் நடந்த 'லீக்' ஆட்டத்தில், ரிசர்வ் வங்கி கிளப், திவாகர் மெமோரியல் அணிகள் எதிர்கொண்டன. அதில், 5 - 3 என்ற கோல் கணக்கில், ரிசர்வ் வங்கி கிளப் வெற்றி பெற்றது. தமிழக மின்வாரிய அணி, 4 - 2 என்ற கணக்கில், ஹோம்லி ஹாக்கி கிளப்பையும், ஸ்போர்ட்டிங் பிரதர்ஸ் அணி, 3 - 0 என்ற கணக்கில், அண்ணா மெமோரியல் அணியை தோற்கடித்தன.மற்ற போட்டிகளில், மெட்ராஸ் நேஷ்னல் கிளப், 10 - 0 என்ற கணக்கில் யாசீன் மெமோரியல் கிளப்பையும், கார்ப்பரேசன் ஸ்போர்ட்ஸ் கிளப், 5 - 1 என்ற கணக்கில் எம்.சி.சி., கிளப்பையும் வீழ்த்தின. போட்டிகள் தொடர்ந்து வார இறுதி நாட்களில் மட்டுமே நடக்கின்றன.