குடிசைக்கு தீ வைப்பு

உத்திரமேரூர், உத்திரமேரூர் தாலுகா, கட்டியாம்பந்தல் கிராமத்தில் வசித்து வருபவர் ரத்தினம்மாள், 60. இவர், கடந்த இரண்டு வருடங்களுக்கு முன், பக்கத்து வீட்டில் வசித்து வரும், அஜய், 32 ; என்பவருக்கு 44,000 ரூபாய் கடன் கொடுத்துள்ளார். இதையடுத்து, ரத்தினம்மாள் கொடுத்த பணத்தை திருப்பி தருமாறு, அஜயிடம் பலமுறை கேட்டு வந்துள்ளார். நேற்று காலை 7 :00 மணிக்கு, இருவருக்கும் வாக்குவாதம் ஏற்பட்டுள்ளது. தொடர்ந்து, வாக்குவாதம் முற்றியதில் ரத்தினம்மாளின் மகன் வினோத்குமாரின் குடிசை வீட்டை அஜய் தீ வைத்து கொளுத்தியுள்ளார்.அதில், வீட்டில் இருந்த கட்டில், துணிமணிகள், உணவு பொருட்கள் அனைத்தும் தீயில் எரிந்து கருகின. இது குறித்து உத்திரமேரூர் போலீசார் விசாரிக்கின்றனர்.