விஜயேந்திரர் நாளை காஞ்சிபுரம் வருகை

காஞ்சிபுரம், ஆந்திர மாநிலம், திருப்பதியில் உள்ள சங்கரமடத்தில் முகாமிட்டுள்ள, விஜயேந்திரர், நாளை, காஞ்சிபுரம் சங்கர மடத்திற்கு வர உள்ளதாக தெரிவிக்கப்பட்டுள்ளது.இதுகுறித்து காஞ்சிபுரம் சங்கர மடத்தின் மேலாளர் சுந்தரேச அய்யர் கூறியதாவது:காஞ்சிபுரம் சங்கர மடத்தின் 70வது மடாதிபதி விஜயேந்திரர், ஆந்திர மாநிலம், திருப்பதியில் உள்ள சங்கர மடத்தில் முகாமிட்டு, சந்திரமவுலீஸ்வரர் பூஜை செய்து வந்தார்.இந்நிலையில் நாளை, இரவு 7:00 மணிக்கு, காஞ்சிபுரம் சங்கர மடத்துக்கு வருகிறார். மடத்தில் சந்திர மவுலீசுவரர் பூஜையை துவங்க இருக்கிறார்.வரும் மே மாதம், 2ம் தேதி, சங்கர மடத்தில் சிறப்பாக கொண்டாடப்பட உள்ள ஆதிசங்கரர் ஜயந்தி விழாவில், காஞ்சி மடாதிபதி விஜயேந்திரர் பங்கேற்று விழாவை சிறப்பிக்க உள்ளார்.இவ்வாறு அவர் கூறினார்.